იურიდიული კონსულტაცია

 

 

უფლება ბლოგი

 

ნარკოპოლიტიკის საკანონმდებლო ანალიზი

 

 

მარიხუანას კრიმინალიზაციის კიდევ ერთი მსხვერპლი თბილისში

 

პასუხისმგებლობა და უფლებები

 

აივ ინფიცირებული დაჯარიმდა მედიკამენტ ეფავირენზის გამო

 

რა არის ნათქვამი ამერიკის სახელმწიფო დეპარტამენტის ანგარიშ

 

ალკოჰოლი, ნარკოტიკები და ტრანსპორტი

 
 

 

პირველი მარიხუანას აქცია თბილისში  

ნარკო პოლიტიკა საქართველო
ლევან ჯორბენაძე
კონსულტანტი/ადვოკატი
2 ივნისი, 2013 წელი
დღეს 2013 წლის 2 ივნისს თბილისში პირველად ამ მასშტაბებით ჩატარებული მარიხუანას შესახებ 2.06 აქცია ისტორიის ნაწილი გახდა. ეს აქცია ორგანიზებული იყო სოციალურ ქსელ ფეისბუქით ორგანიზატორი ჯგუფის მიერ სახელწოდებით მოვითხოვთ მარიხუანას ლეგალიზაციას. ფეისბუქ გვერდი - მოვითხოვთ მარიხუანას ლეგალიზაციას შეიქმნა 2010 წლის 14 ივლისს და 2013 წლის ივნისისთვის 5,704 მოწონება აქვს. აქცია რამოდენიმე თვის წინ მარიხუანას დეკრიმინალიზაციის მოთხოვნით ფეისბუქის გამოყენებით ფრთხილად დაიგეგმა და უკვე 2013 წლის 2 ივნისისთვის დაახლოებით შუადღის 2 საათისთვის 12,396 აქციაზე

წამსვლელი მონაწილის დადასტურებული მოთხოვნა ქონდა.

აქციის მონაწილეები მარიხუანას დეკრიმინალიზაციის მოთხოვნით რუსთაველის გამზირზე, ყოფილი პარლამენტის შენობის წინ შეკრიბნენ. ამ აქციის ორგანიზატორთა ჯგუფმა ფეისბუქ გვერდის სახელწოდებით მოვითხოვთ მარიხუანს ლეგალიზაციას, მაგრამ ამჟამად მარიხუანას დეკრიმინალიზაციის მოთხოვნით საკმაოდ ფრთხილად 3 პუნქტში ჩამოაყალიბეს ძირითადი მოთხოვნები: 1. ჩვენი მიზანია პიროვნული თავისუფლების დაცვა და არა მარიხუანას პოპულარიზაცია. 2. მარიხუანას მოხმარება შეიძლება არ არის სასურველი, მაგრამ 21ე საუკუნეში მისი მოხმარების გამო სახელმწიფოს მხრიდან ადამიანების დევნა ცივილიზებული საზოგადოებისთვის მიუღებელია. 3. ჩვენ ვთვლით, რომ საჭიროა მოხდეს ნარკოტიკების კატეგორიზაცია - მარიხუანა უნდა გამოეყოს იმ ნარკოტიკებს, რომელთა მოხმარებისთვისაც გათვალისწინებულია სისხლის სამართლებრივი დევნა და მოხდეს მისი მოხმარების დეკრიმინალიზაცია. მარიხუანას მოხმარებისთვის გონივრული ოდენობის ადმინისტრაციული ჯარიმა დაწესდეს მხოლოდ საზოგადოებრივი თავშეყრის ადგილებში მოხმარების გამო.    

2.06 აქციის განხორციელებამდე ორგანიზაცია გაერთიანებული საერთაშორისო პრესის მიხედვით ჯანმრთელობის დაცვის მინისტრმა დავით სერგეენკომ, მმართველი პარტია ქართული ოცნება-სთან ასოცირებულმა მინისტრმა 2013 წლის 10 მაისს პრესკონფერენციაზე განაცხადა, რომ მექანიკურ აკრძალვას, როგორც საქართველოს კანონმდებლობაა მარიხუანას წინააღმდეგ მოყვება ხოლმე რიკოშეტის ეფექტი, რაც ნიშნავს სხვა ნარკოტიკული მიმართულებების გაძლიერებას. მისივე განცხადებით, ეს საკითხი საჭიროებს კარგად გათვლილ

სტრატეგიას და ლეგალიზაცია შესაძლებელია ამ სტრატეგიის ნაწილი იყოს.

ამავე პერიოდში პრეზიდენტმა სააკაშვილმა, ამჟამად პოლიტიკური უმცირესობის ლიდერმა სტუდენტებთან შეხვედრის დროს განაცხადა, რომ მისი პარტიის მმართველობის პერიოდში სისულელე იყო მარიხუანას გამო ხალხის დაჭერა.

საპარლამენტო არჩევნების წინა პერიოდში პოლიტიკური კოალიცია ქართული ოცნების დაპირებული საარჩევნო პროგრამის მიხედვით გადაიხედებოდა სისხლისსამართლებრივი პასუხისმგებლობის საკითხი ნარკოტიკული საშუალების მოხმარებისათვის, აგრეთვე პირადი ოხმარებისათვის მისი მცირე ოდენობით შეძენის ან/და შენახვისათვის (იხ. მე-11 გვ.). მმართველი პარტია ქართული ოცნება ხელისუფლებაში 2012 წლის ოქტომბრიდანაა, მაგრამ ამ მიმართულებით დღემდე არავითარი, კერძოდ ნულოვანი ტოლერანტობის პოლიტიკის ცვლილება არ მომხდარა. გარდა ამისა 2013 წლის შინაგან საქმეთა სამინისტროს განვითარების სტრატეგიის დოკუმენტის მიხედვით ნარკოტიკების მომხმარებლები იდენტიფიცირებული არიან, როგორც პოტენციური სამართალდამრღვევები, რომლებიც ახორციელებენ სხვა პიოვნებების ჩაბმას ნარკოტიკების მოხმარებაში (იხილეთ სტრატეგიის ქვეპუნქტი 4.2.1.4).  

საქართველოს რეგიონში ერთ-ერთი ყველაზე მკაცრი ნარკოპოლიტიკა აქვს და ანგარიშზე ძალიან ბევრი მსხვერპლი პიროვნება და ოჯახი. მოქმედი კანონმდებლობით ნარკოტიკების მოხმარება, მცირე ოდენობით (მარიხუანას შემთხვევაში 5 გრ.) შენახვა და შეძენა პირადი მოხმარების მიზნით დასჯადია 500 ლარი ჯარიმით ან ერთი თვით ადმინისტრაციული პატიმრობით. ამავე დროს 1 წლის განმავლობაში ამავე დანაშაულის გამეორება ითვალისწინებს ნარკოტიკების მომხმარებლის წინააღმდეგ სისხლისსამართლებრივ დევნას და სასჯელად ზოგჯერ 5000 ლარის ჯარიმას და 1 წლამდე თავისუფლების აღკვეთას, მაგრამ ჩამოყალიბებული არაჰუმანური და ბუნდოვანი პრაქტიკის გამო ნარკოტიკების მომხმარებლების უმრავლესობა ისჯება სისხლის სამართლის კოდექსის 260-ე მუხლით, რაც გულისხმობს 11, 7-14 წლამდე ან უვადო თავისუფლების აღკვეთას, ამავე დროს ფუნდამენტური სამოქალაქო უფლებების ჩამორთმევას. გასათვალისწინებელია, რომ არ არსებობს ნარკოტიკების კატეგორიზაცია და რაიმე პრაქტიკული განსხვავება დილერს, იშვიათ მომხმარებელს, კომერციულ დილერს და ნარკოტიკებზე დამოკიდებულ მომხმარებლებს შორის.

როგორც ცნობილია ამჟამად იუსტიციის სამინისტროს სისტემაში შექმნილია კომისია, რომელიც კვლავ მუშაობს და ამზადებს ცვლილებებს ნარკო კანონმდებლობაში საქართველოს პარლამენტისთვის წარსადგენად.

 

ისარგებლეთ იურიდიული კონსულტაციით